Ճանապարհային ոստիկանությունից հայտնում են, որ հանրապետության ողջ տարածքում առատ տեղումներ են` ձյան և անձրևի տեսքով:
Մարզերում որոշ ճանապարհահատվածներ դժվարանցանելի են, իսկ Դիլիջանի ոլորանները փակ են բեռնատարներով երթևեկելու համար։
«Հաշվի առնելով եղանակային անբարենպաստ պայմանները՝ հորդորում ենք մեքենա վարել բացառապես ձմեռային անվադողերով` խստագույնս պահպանելով ճանապարհային երթևեկության անվտանգության կանոնները»,-նշված է հայտարարության մեջ:
