Սուրեն Պապիկյան, գրառումս կարող եք հիմք ընդունել, որպես կուսակցությունից դուրս գալու դիմում. Հայկ Հովհաննիսյան

Երևանի ավագանու նախկին անդամ, Նոր Մարաշ վարչական շրջանի ղեկավարի նախկին տեղակալ, «Քաղաքացիական պայմանագիր» կուսակցության անդամ Հայկ Հովհաննիսյանը ֆեյսբուքյան իր էջում գրել է.

«Հարգելի՛ ընկերներ,

Երկար տարիներ արտերկրում ապրելուց հետո որոշում կայացրեցի վերադառնալ հայրենիք, ու ձեռք բերածս գիտելիքն ու փորձը ծառայեցնել Հայաստանին։ Երկրում դրական փոփոխության ակնկալիքով անդամակցեցի ՔՊ Կուսակցությանը (2016թ):

Այս 5 տարիների ընթացքում անկեղծ եմ եղել իմ ցանկություններում՝ հայրենիքիս ու համաքաղաքացիներիս հանդեպ։ Հասցրել եմ նաեւ ձեռք բերել լավ ընկերներ, թե՛ կուսակցության ներսում, թե՛ քաղաքական դաշտում, և թե 2020թ. ռազմի դաշտում։ Հավատարիմ եմ եղել կուսակցության որդեգրած գաղափարներին։

Առանձնակի շնորհակալություն եմ ուզում հայտնել Երևանի քաղաքապետ Հայկ Մարությանին՝ վստահության եւ համագործակցության համար։

Ուր էլ որ լինեմ, շարունակելու եմ ծառայեցնել գիտելիքներս բացառապես ի շահ Հայաստանի Հանրապետության և նրա քաղաքացու։

Այս պահից սկսած պատրաստ եմ լսելու, թե՛ աշխատանքի, և թե՛ համագործակցության առաջարկներ։

Հ.Գ. ՔՊ կուսակցության հարգելի նախագահ Սուրեն Պապիկյան։ Գրառումս կարող եք հիմք ընդունել, որպես կուսակցությունից դուրս գալու դիմում»։

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել