Հիմք ընդունելով Հայաստանի Հանրապետության փաստաբանների պալատի նախագահի 05.08.2021թ. թիվ 159-Լ որոշման «Հայաստանի Հանրապետության փաստաբանների պալատի 2021 թվականի սեպտեմբերի 12-ի ընդհանուր ժողովի կազմակերպման և անցկացման գործընթացում օժանդակություն ցուցաբերելու մասին» կարգի 5-րդ կետի պահանջները՝ Հայաստանի Հանրապետության փաստաբանների պալատը (այսուհետ՝ Պալատ) Պալատի նախագահի թեկնածուների բանավեճի անցկացման համար ապահովում է դահլիճ և այլ պայմաններ:
Բանավեճը կանցկացվի 2021 թվականի սեպտեմբերի 8-ին, ժամը 19:00-ին ք.Երևան Իտալիայի փողոց 1 հասցեում գտնվող Կոնգրես հյուրանոցի Պիկասո կոնֆերանս սրահում:
Բանավեճը կվարի Պալատի ներկայացուցիչը:
Բանավեճի են հրավիրվում Պալատի նախագահի բոլոր թեկնածուները՝ Սիմոն Բաբայանը, Թամարա Պողոսյանը (ինքնաբացարկ հայտնած) և Գևորգ Գյոզալյանը:
Բանավեճի անցկացման ընդհանուր պայմաններն են՝
- Թեկնածուներին կտրամադրվի մինչև 30 րոպե ժամանակ իրենց ծրագիրը ներկայացնելու համար.
- Թեկնածուներին հարցեր կտան ներկա փաստաբանները, մյուս թեկնածուները, վարողը.
- Մուտքը ազատ է բոլոր փաստաբանների համար.
- Բանավեճն առցանց կհեռարձակվի.
- Բանավեճի ընթացքում արգելվում է միմյանց վիրավորելը: Վիրավորանք պարունակող հարցերը կհանվեն վարողի կողմից:
