«Ինչպես տեսնում են դատարանից դուրս եկա միայնակ, առանց Առուշանյանի: Կանխազգում էի՝ դատարանը բավարարեց Հատուկ քննչական ծառայության քննիչի միջնորդությունը և Առուշ Առուշանյանին 2 ամսով կալանավորման որոշում կայացրեց»,-այս մասին լրագրողների հետ զրույցում ասաց Առուշանյանի պաշտպան Արմեն Մելքոնյանը:
Նա նշեց, որ պայքարելու են, որպեսզի հասնեն արդարության:
Ըստ պաշտպանի՝ սա աննախադեպ իրողություն է. «Մի անձի հակասական ցուցմունքով կարող են մի ամբողջ համայնքի գլխատեն ուղղակի: Ես կարող եմ փաստել, որ ՀՀ-ում ազատությունը որևէ արժեք չունի, դուրս է գալիս, որ մարդը ևս արժեք չունի»:
Պաշտպանը հայտնեց, որ Առուշանյանի դեմ ցուցմունք է տվել Քարահունջի ղեկավարը, ով այս պահին կալանավորված է:
«Մի ցուցմունքով ասել է, որ Առուշանյանն ասել է, որ «Հայաստան» դաշինքի օգտին քվեարկեն»,-ասաց նա:
Առուշ Առուշանյանի պաշտպանն ասաց, որ միանշանակ Վերքաննիչ դատարան են դիմելու. «Գոնե Վերաքննիչում մի քիչ հույսեր ունենք»
