ՄԵՐԱՆ ԼՂՀ Քաշաթաղի շրջանի պաշտոնաթերթից հայտնում են․
«Մեծ ցավով տեղեկացնում ենք՝ այսօր՝ 2021թ․ հունիսի 20-ին, երկարատև ու ծանր հիվանդությունից հետո վախճանվել է Քաշաթաղի շրջանի կայացման գործում մեծ ներդրում ունեցող ԱՐՏՈՒՇ ՎԱՐՈՒԺԱՆԻ ՄԽԻԹԱՐՅԱՆԸ, ով երկար տարիներ աշխատել է Քաշաթաղի շրջանային ոստիկանության բաժնում, այնուհետև՝ որպես շրջվարչակազմի ղեկավարի տեղակալ, կարճ ժամանակներով զբաղեցրել այլ պաշտոններ։
Քաշաթաղի շրջվարչակազմի, շրջանի ողջ բնակչության, Բերձորի քաղաքապետարանի կողմից «ՄԵՐԱՆ»-ի խմբագրակազմը ցավակցում է Ա․ ՄԽԻԹԱՐՅԱՆԻ ընտանիքին, հարազատներին, բարեկամներին, մտերիմներին և հայտնում զորակցություն։
Ա․ ՄԽԻԹԱՐՅԱՆի հիշատակը վառ կմնա նրան ճանաչողների սրտերում։
Ա․ ՄԽԻԹԱՐՅԱՆԸ ծնվել է 1973թ․ մայիսի 16-ին ՀՀ Շիրակի մարզի Արթիկի տարածաշրջանի Սպանդարյան գյուղում։ Ավարտել է ԵՊՀ իրավագիտության ֆակուլտետը։ Ամուսնացած է, ունի 1 դուստր»։
Հավելենք, որ Արտուշ Մխիթարյանը 1991-96 թվականներին սովորել է ԵՊՀ-ի իրավագիտության ֆակուլտետում։
ԵՊՀ իրավագիտության ֆակուլտետի 1991-96 թվականների կուրսի շրջանավարտները ցավակցություն են հայտնում իրենց ընկերոջ մահվան կապակցությամբ։
