Չանցնելու տարբերակ չկա, իսկ փողոց դուրս գալու տարբերակ կարող է լինել միայն մեկ դեպքում, եթե, օրինակ ընտրությունները կեղծվեն, կամ ինչ-որ արհավիրք լինի երկրում, քարոզարշավի շրջանակում լրագրողների հետ զրույցում ասաց «Լուսավոր Հայաստանի» վարչապետի թեկնածու Էդմոն Մարուքյանը:
Նա միաժամանակ ընդգծեց, որ «Լուսավոր Հայաստանը» հանդես է գալիս փողոց դուրս գալը բացառելու համատեքստում:
«Եթե չի ձևավորվում ազգային համաձայնության կառավարություն, ուրեմն մեր օրակարգը պարտված է: Եթե մեր օրակարգը պարտված է, մենք որևէ անելիք չունենք: Մենք ամեն ինչ անելու ենք, որ այդ օրակարգը հաղթի, այս օրակարգը մեր ժողովրդի պահանջն է», – ասաց Մարուքյանը:
