Հունիսի 4-ին, ժամը 23.55-ին, շտապօգնության ենթակայանից ոստիկանության Քանաքեռ-Զեյթունի բաժին հաղորդում էր ստացվել, որ Ռայնիսի փողոցի շենքերից մեկում բուժօգնություն են ցուցաբերել 40-ամյա տղամարդու, որի մարմնին կտրած-ծակած վնասվածքի հետքեր կային: Տղամարդը հայտնել էր, որ վնասվածքները ստացել է ընկնելու հետևանքով:
Այս մասին տեղեկանում ենք ոստիկանությունից:
Ոստիկանության Քանաքեռ-Զեյթունի բաժնի ծառայողների ձեռնարկած միջոցառումների շնորհիվ պարզվել է, որ շենքի բակում վիճաբանություն է եղել, որի ընթացքում նույն շենքի 20-ամյա բնակիչը դանակահարել է 40-ամյա տղամարդուն:
Հունիսի 5-ին, ժամը 03.00-ին, 20-ամյա երիտասարդը ներկայացել է ոստիկանության Քանաքեռ-Զեյթունի բաժին և տվել խոստովանական բացատրություն:
Տուժողը հրաժարվել է հաղորդում տալուց:
Նշանակվել են փորձաքննություններ:
Դանակը հայտնաբերվել և վերցվել է:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
