.png)
Օտարերկրացիները Հայաստանի Հանրապետությունում աշխատելու համար պետք է օրենքով սահմանված կարգով ստանան աշխատանքի թույլտվություն:
Աշխատանքի թույլտվություն տրամադրելը մերժվում է, եթե`
ա) Հայաստանի Հանրապետության աշխատաշուկայի վիճակը վերջինիս վերլուծության հիման վրա թույլ չի տալիս այդ աշխատանքը.
բ) տվյալ աշխատանքը կատարելու համար Հայաստանի Հանրապետության օրենքներով պահանջվում է Հայաստանի Հանրապետության քաղաքացիություն.
գ) պահանջվող տեղեկատվությունը կամ փաստաթղթերը կեղծված են.
դ) գործատուն, որի մոտ պետք է աշխատի տվյալ օտարերկրացին, նախկինում խախտել է օտարերկրացիներին աշխատանքի ընդունելու պահանջները.
ե) գոյություն ունեն Հայաստանի Հանրապետության պետական անվտանգությանը սպառնացող պատճառներ.
զ) գործատուն չունի լիցենզավորման ենթակա գործունեությամբ զբաղվելու լիցենզիա:
Աշխատանքի թույլտվության մերժման մասին օտարերկրացուն ծանուցվում է գրավոր:
Օտարերկրացին կարող է աշխատանքի թույլտվության մերժումը մերժման պահից հինգ օրվա ընթացքում բողոքարկել դատական կարգով:
Աղբյուրը՝ Իրավաբան.net
