Կառավարությունը մարտի 18-ի նիստին որոշում կընդունի «Պետական լոտո» ՓԲ ընկերությունը՝ որպես փաստացի գործունեություն չիրականացնող կազմակերպություն, լուծարելու մասին։
Նախագիծը մշակվել է Ֆինանսների նախարարության կողմից։
Որոշման հիմնավորման մեջ ներկայացվել է ընկերության ընթացիկ վիճակի վերաբերյալ տեղեկատվությունը.
- Ընկերության տնօրենի հետ կնքված աշխատանքային պայմանագիրը լուծվել է,
- Ընկերության հարկային պարտավորությունները մարված են,
- վերջին գույքագրման արդյունքներով դեբիտորական և կրեդիտորական պարտավորություններ չեն արձանագրվել,
- Ընկերությունը անշարժ և շարժական գույք չունի՝ բացառությամբ բանկային հաշվում առկա դրամական միջոցների՝ շուրջ 30,310,774 ՀՀ դրամ:
