Փոխգնդապետ ԱՐՄԱՆ ԳԱԳԻԿԻ ՀԱԿՈԲՅԱՆԸ նահատակվել է հանուն հայրենիքի։ Այս մասին տեղեկանում ենք ոստիկանության զորքերի պաշտոնական էջից:

Ոստիկանության զորքերի ՀԿՊ գնդի` 1033 զորամասի 3-րդ գումարտակի հրամանատարն Արցախյան 2-րդ պատերազմում, որպես նվիրյալ զինվոր ու պետ, իր զորամասի հրամանատարի հետ ու անձնակազմի կողքին, մարտնչեց հանուն հայրենիքի մինչև վերջին շունչը։ Հերոս հրամանատարը նահատակվեց` հայոց պատմության մեջ մնալով որպես քաջարի ռազմիկ ու արժանապատիվ սպա։

Արման Գագիկի Հակոբյանի անդառնալի կորուստը մեծ վիշտ է ոստիկանության զորքերի կառույցի, զորամասի անձնակազմի համար, սակայն, առանձնակի խոնարհումով` մեր զորակցությունը ՀԱԿՈԲՅԱՆՆԵՐԻ ընտանիքին։

Փոխգնդապետ ՀԱԿՈԲՅԱՆԻՆ զինվորական կարգով հրաժեշտ տալու արարողությունը տեղի կունենա  փետրվարի 17-ին, ժ. 17։00-ից, ոստիկանության զորքերի 1033 զորամասում (Իսակովի 25), հուղարկավորությունը` փետրվարի 18-ին, ժ. 13։00-ին, Փարաքարի գերեզմանատանը։