Արցախյան պատերազմում զոհվել է Գարիկ Կիզիրանցը: Նա ծառայել է Մարտակերտի շրջանի Հորաթաղի զորամասում, հրետանային մարտկոցի 3-րդ հաշվարկի հրամանատարն էր: Գարիկը պատերազմել է 43 օր:

«Ընկերները պատմում են, որ խոնավ, անձրևոտ եղանակին Գարիկը միշտ կանգնել ու նայել է երկնքին»,- պատմում է եղբայրը՝ Սևադա Կիզիրանցը:

«Շատ էր ուզում գիրք գրել, ասում էր՝ ինձ ճանաչելու են, իմ մասին բոլորը լսելու են»,-պատմում է Գարիկի քեռակինը:

Զինակիցներին միշտ ասել է. «Մի նվնվացեք, սա մեր խաչն է, պատվով պիտի տանենք»:

Գարիկ Կիզիրանցը ծնվել է 2000 թվականի հունիսի 6-ին, զոհվել է 2020 թվականի նոյեմբերի 8-ին: