Ավան և Նոր-Նորք վարչական շրջանների ընդհանուր իրավասության դատարանում քննության է առնվում նախկինում դատված, դատվածությունը մարված Լևոն Շ.-ի դեմ հարուցված քրեական գործը:
Նրան մեղադրանք է առաջադրվել այն բանի համար, որ նա ուրիշի գույքի գաղտնի հափշտակություն կատարելու նպատակով 2012թ. փետրվարին` ժամը 02:00-ի սահմաններում, պատուհանին փակցված պոլիէթիլենային թաղանթը պոկելու եղանակով պատուհանից ապօրինի մուտք է գործել Ավան 14 փողոցի հասցեներից մեկում գործող ավտոլվացման կետ և այնտեղից գաղտնի հափշտակել Զոհրաբ Ս.-ին պատկանող, զգալի չափի` 280.000 ՀՀ դրամ արժողության 1 հատ «LAVOR» տեսակի ավտոլվացման ջրամղիչ սարք:
Գործով մեղադրյալի նկատմամբ որպես խափանման միջոց ընտրվել է ստորագրություն չհեռանալու մասին:
Դատարանում մեղադրանքի պաշտպանությունն իրականացվում է Ավան և Նոր-Նորք վարչական շրջանների դատախազության կողմից:
Նյութում ներկայացված անձանց անունները հասկանալի պատճառներով փոփոխված են:
Նյութի սկզբնաղբյուրը հանդիսանում է www.datalex.am կայքը:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` Իրավաբան.net
