Երևանի մի շարք փողոցներում ընդդիմադիրներն անհնազադնության ակցիաներ են իրականացնում։
Ժամանակ առ ժամանակ ակցիայի մասնակիցները փակում են Խանջյան փողոցը, Արշակունյաց, Մաշտոցի պողոտաները, Աբովյան-Մոսկովյան խաչմերուկը և այլն։
Ոստիկանները նրանց բերման են ենթարկում։
Հիշեցնենք, որ ՀՅԴ անդամ Իշխան Սաղաթելյանն այսօր հայտարարությամբ է հանդես եկել՝ նշելով․ «Դեկտեմբերի 5-ին «Հայրենիքի փրկության շարժման» հանրահավաքի ժամանակ մենք միասին վերահաստատեցինք Նիկոլ Փաշինյանի հրաժարականի պահանջը, հանրահավաքից հետո այդ պահանջը փոխանցեցինք իրեն՝ ժամանակ տալով մինչև երեքշաբթի օրը մինչև 12:00-ն հրաժարական տալ և հեռանալ, սակայն արդեն ժամը 12:08 րոպե է, Նիկոլ Փաշինյանը հրաժարական չի ներկայացրել, հետևաբար այս պահից սկսած մինչև 17:00-ն Հայաստանի Հանրապետության քաղաքացիներն ունեն լեգիտիմ իրավունք, իրենց խաղաղ անհնազանդության բողոքի ակցիաներ անելու՝ իրենց պահանջը տեղ հասցնելու համար»։
