Վարչապետ Նիկոլ Փաշինյանի նախկին խորհրդական Արտակ Գասպարյանը ֆեյսբուքյան իր էջում անդրադարձել է Բելառուսի նախագահ Ալեքսանդր Լուկաշենկոյի և ՀՀ 3-րդ նախագահ Սերժ Սարգսյանի ձայնագրությանը։

Նա նշել է, որ 5 միլիարդը առաջարկվել է ոչ թե անձամբ Սերժ Սարգսյանին, այլ Հայաստանին:

«Կամ էլ այդ ժամանակ Լուկաշենկոն կաշառք է առաջարկել Սերժին, բայց նա թաքցրել է դա:

Ոչ ոք չի մեղադրում Սերժին հող հանձնելու մեջ: Դա առնվազն անտրամաբանական կլիներ:

Նա մեղադրվում է կոռուպցիայի մեջ, որի պատճառով բանակը վատ էր հագեցած:

Եթե ​​ենթադրենք, որ 5 միլիարդը լուրջ առաջարկվել է Սերժին, ապա Սերժի պատասխանը մոտ 6 միլիարդի մասին նույնպես պետք է լուրջ ընդունվի:

Եվ եթե 6 միլիարդ կար, ապա որտե՞ղ են դրանք: Այդ գումարով բանակը կարող էր այնպես ուժեղանալ, որպեսզի պատերազմն այլ արդյունք ունենար:

Ի դեպ, Նիկոլը նույնպես չի համաձայնել, ինչպես և Սերժը:

Հենց այդ պատճառով սկսվեց պատերազմը»:

Հիշեցնենք, որ ավելի վաղ Bagramyan26 տելեգրամյան ալիքը հրապարակեց Հայաստանի նախկին նախագահ Սերժ Սարգսյանի և Բելառուսի ղեկավար Ալեքսանդր Լուկաշենկոյի` Լեռնային Ղարաբաղի վերաբերյալ զրույցի ձայնագրությունը։

Լուկաշենկոն Ալիևի անունից Սերժ Սարգսյանին 5 միլիարդ դոլար է առաջարկում Արցախի 7 շրջաններից հրաժարվելու դիմաց, Սերժ Սարգսյանը մերժում է առաջարկը՝ ասելով ինքը պատրաստ է 6 միլիարդ դոլար տալ Ալիևին, որպեսզի վերջինս հրաժարավի 7 շրջանից:

Նշենք, որ Արտակ Գասպարյանը 2019 թ. փետրվարի 26-ին է  նշանակվել Վարչապետի խորհրդական՝ հասարակական հիմունքներով։ Նշված պաշտոնից վերջինս ազատվել է 2020-ի օգոստոսի 28-ին։