Էրեբունի և Նուբարաշեն վարչական շրջանների ընդհանուր իրավասության դատարանում քննության է առնվում նախկինում դատվածություն չունեցող Հայկ Ս.-ի դեմ հարուցված քրեական գործը:

Հայկ Ս.-ին մեղադրանք է առաջադրվել այն բանի համար, որ նա ուրիշի գույքը հափշտակելու նպատակով, չարաշահելով իր մանկական ընկերոջ` Հովհաննես Ա.-ի վստահությունը, նրա անձնագրով և անվամբ ապառիկ կարգով համակարգիչ գնելով, տիրանալով նշված համակարգչին` կատարել է խարդախություն վերջինիս պատճառելով զգալի չափերի` 204000 դրամի գույքային վնաս:

Գործով մեղադրյալ Հայկ Ս.-ի նկատմամբ որպես խափանման միջոց ընտրվել է ստորագրություն չհեռանալու մասին:

Դատարանում մեղադրանքը պաշտպանվում է Էրեբունի և Նուբարաշեն վարչական շրջանների դատախազության կողմից:

Նյութում ներկայացված անձանց անունները հասկանալի պատճառներով փոփոխված են:

Նյութի սկզբնաղբյուրը հանդիսանում է www.datalex.am կայքը:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Աղբյուրը` Իրավաբան.net