Սեպտեմբերի 27-ից Ադրբեջանի կողմից սանձազերծված պատերազմի հետևանքով Հայաստանի Հանրապետություն ինքնաբուխ ժամանած Արցախի քաղաքացիների  առջև ծառացած խնդիրները համակարգում է  Հայաստանի Հանրապետության աշխատանքի և սոցիալական հարցերի նախարարությունը: Արցախից եկածներն իրենց հուզող հարցերով կարող են զանգահարել 117 կամ 114 թեժ գծի հեռախոսահամարներին։

Իրավաբան.net-ի հետ զրույցում Աշխատանքի և սոցիալական հարցերի նախարարի տեղակալ Տաթևիկ Ստեփանյանը ներկայացրեց Արցախից եկած քաղաքացիներին տրամադրվող օգնության ծրագրերը:

Արցախից եկած դպրոցահասակ երեխաները, Կրթության, գիտության, մշակույթի և սպորտի նախարարության հոգածությամբ կարող են հաճախել իրենց բնակավայրի մոտակա դպրոցը:

Առողջապահության նախարար Արսեն Թորոսյանի հանձնարարությամբ էլ Արցախից ժամանակավորապես Հայաստան տեղափոխված քաղաքացիները ամբուլատոր բժշկական օգնության և ծննդօգնության անհրաժեշտության դեպքում կարող են դիմել «Սուրբ Գրիգոր Լուսավորիչ» բժշկական կենտրոնի պոլիկլինիկա և ծննդատուն: 

Իրենց կենսաթոշակը կամ նպաստը ստանալու համար էլ կարող են դիմել «Հայփոստի» մոտակա մասնաճյուղ։

Նաև նշենք, որ պարզեցվել են ռազմական գործողությունների հետևանքով զոհված քաղաքացիների թաղման նպաստի ստացման գործընթացը: 

Մանրամասները՝ տեսանյութում

Սարգսյան Հասմիկ