The New York Times-ի թղթակից Քրիստիան Տրիեբերտը թվիթերյան իր միկրոբլոգում հրապարակել է Գյանջայի միջազգային օդանավակայանում կայանված 2 միավոր թուրքական F-16 կործանիչների լուսանկարը՝ հոկտեմբերի 3-ի դրությամբ։
Արբանյակային լուսանկարը՝ Planet-ից։
«Կործանիչները, ամենայն հավանականությամբ, շահագործվելու են Թուրքիայի օդուժի կողմից` հնարավոր CN-235 բեռնատար ինքնաթիռի հետ միասին»,-նշել է նա։
Ավելի վաղ ՊՆ ներկայացուցիչ Արծրուն Հովհաննիսյանը հայտնել էր, որ սեպտեմբերի 29-ին ժամը 10:30-ից Թուրքիայի Հանրապետության ռազմաօդային ուժերին պատկանող F-16 կործանիչները օդ էին բարձրացել Ադրբեջանի Հանրապետության «Գյանջա» օդանավակայանից և ապահովում էին Ադրբեջանի «Դալյար» օդանավակայանից ՀՀ Վարդենիսի տարածաշրջանի Վարդենիս, Մեծ Մասրիք, Սոթք տարածաշրջաններում տեղակայված ՀՀ բնակավայրերի և ԶՈՒ ցամաքային ստորաբաժանումների ուղղությամբ Ադրբեջանի ՍՈՒ-25 և թուրքական արտադրության «Բայրաքթար» ԱԹՍ-ով ռմբահրթիռային հարվածները:
There are at least two F-16s at Ganja International Airport in Azerbaijan, our analysis of an Oct. 3 @planetlabs satellite image shows. The fighter jets are likely operated by the Turkish Air Force, alongside a possible CN-235 cargo aircraft. Here’s a short thread why. pic.twitter.com/de1XsmXXZr
— Christiaan Triebert (@trbrtc) October 7, 2020
