Արցախի Մարդու իրավունքների պաշտպանության աշխատակազմւ հայտնում է․
«Արցախի Հանրապետության մարդու իրավունքների պաշտպանի աշխատակազմը մեկնարկել է սեպտեմբերի 27-ին ադրբեջանական զինված ուժերի կողմից սկսած լայնածավալ հարձակման հետևանքների վերաբերյալ փաստահավաք առաքելություն:
Թարմացված տվյալներով՝ Ադրբեջանը հրետակոծել և հարվածային ԱԹՍ-ներով հարվածել է բոլոր խոշոր ու բազմաթիվ փոքր բնակավայրերի (ներառյալ՝ Ստեփանակերտ, Ասկերան, Մարտակերտ, Մարտունի, Հադրութ, Շուշի քաղաքները):
Նախնականորեն քաղաքացիական բնակչության շրջանում առկա է հաստատված 2 զոհ ու տասնյակ վիրավոր: Միայն Ստեփանակերտում 10-ից ավելի վիրավոր կա, ներառյալ՝ երեխաներ ու կանայք: Պաշտպանի ներկայացուցիչները այցելել են Ստեփանակերտի հանրապետական բժշկական կենտրոնում ապաքինվող մի խումբ վիրավորների:
Ի թիվս բազմաթիվ ենթակառուցվածքային վնասների, վնասվել են նաև որոշ դպրոցներ:
Հավաքագրված տվյալների վերլուծությունը վկայում է այն մասին, որ ադրբեջանական զինված ուժերը նպատակային ու հասցեական կերպով թիրախավորել են քաղաքացիական բնակչությանը, ինչը միջազգային մարդասիրական իրավունքի կոպտագույն խախտում է: Պաշտպանը կոչ է անում միջազգային հանրությանը համապատասխան գնահատական տալ ադրբեջանական գործողություններին, այն էլ՝ ՔՈՎԻԴ-19 համավարակի պայմաններում, և միջոցներ ձեռք առնել Արցախի Հանրապետության հազարավոր բնակիչների կյանքին ու անվտանգությանը սպառնացող վտանգների չեզոքացման ուղղությամբ:
Մարդու իրավունքների պաշտպանի աշխատակազմը շարունակում է փաստահավաք գործունեությունը. տվյալների հստակեցումից հետո հանդես կգանք լրացուցիչ հրապարակումներով»։
![](https://scontent.fevn2-1.fna.fbcdn.net/v/t1.0-9/120308548_1671367509697071_5491050989996368892_o.jpg?_nc_cat=101&_nc_sid=730e14&_nc_ohc=FYJ0JKKEljMAX_PSJLE&_nc_ht=scontent.fevn2-1.fna&oh=aa93738f2cc22f2a1eedb6a33e8c5f16&oe=5F941866)
![](https://scontent.fevn2-1.fna.fbcdn.net/v/t1.0-9/120343733_1671367513030404_7341963471647472518_o.jpg?_nc_cat=107&_nc_sid=730e14&_nc_ohc=59SusBUE8d0AX9y_se9&_nc_ht=scontent.fevn2-1.fna&oh=2f696960e9e53bfefd00efb918cf7066&oe=5F95EE5E)
![](https://scontent.fevn2-1.fna.fbcdn.net/v/t1.0-9/120263239_1671367493030406_6240503402590966477_o.jpg?_nc_cat=102&_nc_sid=730e14&_nc_ohc=e24IW_t11LIAX8O9uct&_nc_ht=scontent.fevn2-1.fna&oh=a42820631995f2328293db9c66e4e5d5&oe=5F942E8E)
![](https://scontent.fevn2-1.fna.fbcdn.net/v/t1.0-9/120314251_1671367363030419_207953215660747923_o.jpg?_nc_cat=105&_nc_sid=730e14&_nc_ohc=oC7Da2jFgCUAX_UuAVE&_nc_ht=scontent.fevn2-1.fna&oh=2122d3af01d5bb2ac98f201a256d6905&oe=5F952711)