Օգոստոսի 28-ին բժշկական երկու կենտրոններից ոստիկանություն հաղորդում էր ստացվել, որ ազդրի ծակած և հրազենային վերքերով հիվանդանոց բուժօգնության դիմած 35-ամյա տղամարդը հայտնել էր, որ Պռոշյան փողոցի եկեղեցու մոտ պայթյունի ձայն է լսել, ինչից հետո նկատել է, որ ոտքը վնասված է:
Այս մասին հայտնում է ոստիկանությունը:
Նյութերի նախապատրաստման ընթացքում Կոտայքի մարզային վարչության և Հրազդանի բաժնի ծառայողները պարզել են, որ տղամարդը վնասվածքը ստացել է Հրազդան քաղաքի Կենտրոն թաղամասի շենքերից մեկի հետնամասում՝ իր կողմից ձևափոխված փամփուշտով գազային ատրճանակից անզգուշաբար կրակելու հետևանքով:
Ատրճանակը հայտնաբերվել է:
Տղամարդը ներկայացրել է նաև օդաճնշիչ ատրճանակ՝ պահունակում մետաղյա 10 գնդակով:
Նշանակվել են փորձաքննություններ:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
