Տարեսկզբին առողջապահության նախարար Արսեն Թորոսյանը խնդրել էր վարչապետին առաջարկել նախագահին առողջապահության զարգացման գործում Հայաստանի Հանրապետությանը մատուցած բացառիկ ծառայությունների, սրտի բարդ վիրահատություններ իրականացնող նորարարական բժշկական կենտրոն ստեղծելու և մեծաթիվ նոր մասնագետներ պատրաստելու, բազմաթիվ մարդկային կյանքեր փրկելու և երկարամյա անձնուրաց աշխատանքի համար բժիշկ Հագոպ (Հրայր) Հովագուիմիանին Հայրենիքի շքանշանով պարգևատրելու համար:
Այս մասին տեղեկացնում են առողջապահության նախարարությունից։
Այսօր արդեն` նախագահի հրամանագրով վաստակաշատ բժիշկը պարգրատրվել է Հայրենիքի շքանշանով:
Նախարար Արսեն Թորոսյանը և առողջապահության նախարարության ողջ անձնակազմը շնորհակալություն են հայտնում բժիշկ Հագոպ (Հրայր) Հովագուիմիանին, ինչպես նաև շնորհավորում բարձր կոչմանն արժանանալու համար ու մաղթում քաջառողջություն:
![На изображении может находиться: текст](https://scontent.fevn6-2.fna.fbcdn.net/v/t1.0-9/118580699_2731187803788998_6406217449889442184_n.png?_nc_cat=102&_nc_sid=8024bb&_nc_ohc=36I4ujWgi0cAX-tYIMm&_nc_ht=scontent.fevn6-2.fna&oh=75c73bf6de69182b8a55c66126e02bf8&oe=5F6D2DD3)