ՌԴ-ում ՀՀ դեսպանությունը տեղեկացնում է առաջիկա օրերին Մոսկվայից Երևան իրականացվելիք չարտերային թռիչքների մասին:

Առաջին թռիչքը կկայանա օգոստոսի 28-ին, ժամը՝ 09:00-ին: Երկրորդ թռիչքը նախատեսվում է օոգոստոսի 29-ին, ժամը 12:30-ին, երրորդը՝ օոգոստոսի 30-ին, ժամը 11:00-ին: Մոսկվա-Երևան չորրորդ թռիչքը կկայանա օգոստոսի 31-ին, ժամը 11:00-ին:

Բոլոր թռիչքները կիրականացնի «Nord Star» ընկերությունը՝ «Դոմոդեդովո» օդանավակայանից: Ըստ դեսպանության, չվերթի տոմսերն ազատ վաճառքի սկզբունքով կարելի է ձեռք բերել «Դոմոդեդովո» օդանավակայանի N 85 եւ N94 տոմսարկղերից: Տոմսարկղերի աշխ․ ժամերը՝ 10։00-ից մինչև 21։00-ն։

Տոմսի արժեքը՝ 14 հազ․700 ռուբլի է։ Չվերթի հետ կապված բոլոր հարցերով անհրաժեշտ է դիմել նշված ավիաընկերությանը։