Հիմնանորոգվել և շահագործման է հանձնվել միջազգային չափանիշներին համապատասխան հատուկ վտանգավոր վարակների ժամանակ դիահերձումները կազմակերպելու համար նախատեսված Հայաստանի Հանրապետությունում առաջին դիահերձարանը: ՀՀ ԱՆ «Դատաբժշկական գիտագործնական կենտրոնի» Կոտայքի մարզային բաժնի դիահերձարանի շենքն այժմ հագեցված է ժամանակակից սարքավորումներով։ Այն բաղկացած է երկու առանձին դիասրահից` համապատասխանաբար երեք և մեկ սեկցիոն սեղաններով, որոնցից մեկը նախատեսված է հատուկ վտանգավոր վարակներից, այդ թվում կորոնավիրուսային հիվանդությունից մահացածների` դատաբժշկական փորձաքնության նպատակով դիահերձման համար։
Այս մասին հայտնում են առողջապահության նախարարությունից։
Դիասրահներն ունեն առանձնացված մուտքեր, իրար հետ կապ չունեցող օդափոխման համակարգեր, ինֆեկցիոն սրահը հագեցած է բարձր ուղղորդված ճնշման տակ գործող օդամղիչ և օդահեռացման համակարգով, հատուկ ինֆեկցիոն դիասեղանով և HEPA ֆիլտրներով։
Դիահերձարանի շենքը դիակների ընդունման համար ունի երկու առանձին մուտք, էլեկտրական ամբարձիչներով երկու առանձին բազմախցիկային սառնարանային համակարգ` վարակիչ և ոչ վարակիչ հիվանդություններից մահացած անձանց դիակների պահման նպատակով, ինչպես նաև առանձին մուտք քաղաքացիների և անձնակազմի համար։
Նշենք, որ բժշկական անձնակազմի աշխատասենյակները մեկուսացված են դիահերձարանից։
Դիակների ճանաչումը կազմակերպվում է հատուկ համակարգի միջոցով՝ տեսախցիկների և հեռավար կապի օգնությամբ։
![На изображении может находиться: небо и на улице](https://scontent.fevn1-4.fna.fbcdn.net/v/t1.0-9/117957683_2721474544760324_7534805523527977814_o.jpg?_nc_cat=110&_nc_sid=8024bb&_nc_ohc=q244D8gvL6IAX_PC_01&_nc_ht=scontent.fevn1-4.fna&oh=aa51cc7640e5a8b89b6bae86aa33bdf4&oe=5F5EE835)
![](https://iravaban.net/wp-content/uploads/2020/08/117950940_2721475091426936_3898577091976270844_o.jpg)
![На изображении может находиться: в помещении](https://scontent.fevn1-4.fna.fbcdn.net/v/t1.0-9/118008016_2721475124760266_5598763128594134318_o.jpg?_nc_cat=107&_nc_sid=8024bb&_nc_ohc=gOryBHrnR8UAX8OS_Hh&_nc_ht=scontent.fevn1-4.fna&oh=57b14aa8878d72bce6e35ac1962d0f66&oe=5F6115D2)
![На изображении может находиться: один или несколько человек и в помещении](https://scontent.fevn1-4.fna.fbcdn.net/v/t1.0-9/118085828_2721475184760260_7839817324492178420_o.jpg?_nc_cat=108&_nc_sid=8024bb&_nc_ohc=bnzvbB8Xs2cAX9i9FOt&_nc_ht=scontent.fevn1-4.fna&oh=89464c26b49a7ffc27d483e1d57cf536&oe=5F5FD757)
![На изображении может находиться: один или несколько человек, небо и на улице](https://scontent.fevn1-4.fna.fbcdn.net/v/t1.0-9/117915950_2721475234760255_2775092277030919644_o.jpg?_nc_cat=104&_nc_sid=8024bb&_nc_ohc=gUPlbC5xfC4AX-mwu4z&_nc_ht=scontent.fevn1-4.fna&oh=f97cb90b7d1ebef5c0ce46058f583f1c&oe=5F60E225)