Սև ծովից ցիկլոնի ներթափանցմամբ պայմանավորված, հուլիսի 10-13-ին հատկապես երեկոյան ժամերին հանրապետության առանձին շրջաններում սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ամպրոպների ժամանակ հնարավոր են ուժեղ քամիներ, պոռթկումները մինչև 25-30մ/վրկ։ Այս մասին հայտնում են Շրջակա միջավայրի մոնիթորինգի և տեղեկատվության կենտրոնից։
«Ազգաբնակչությանը խորհուրդ ենք տալիս ամպրոպի ժամանակ խուսափել բացօդյա տարածքներում գտնվելուց»,-նշված է հայտարարության մեջ։
