Վարչապետի օգնական Նաիրի Սարգսյանը տեղեկացնում է․
«Ապրիլի 6-ին վարչապետը ուղիղ եթերում պատասխանում էր Ֆեյսբուքյան օգտատերերի հարցերին, որտեղ հարց բարձրացվեց, որ միկրոձեռնարկատիրության սուբյեկտների վարձու աշխատողները չեն օգտվում մինչև 2 տարեկան երեխայի խնամքի և ժամանակավոր անաշխատունակության նպաստներից:
Երեկ Ազգային ժողովը երկրորդ ընթերցմամբ ընդունեց Աշխատանքի և սոցիալական հարցերի նախարարության կողմից մշակված օրենսդրական փոփոխությունները, որով լուծվեց այս խնդիրը: Կվճարվի նաև 2020թ-ի հունվարի 1-ից մինչ օրս բաց թողնված ժամանակահատվածի նպաստի գումարը»։
