Իրավաբանների հայկական ասոցիացիայի կողմից իրականացվող «Երիտասարդությունը հանուն հակակոռուպցիայի» ծրագրի իրազեկման շրջանակներում ասոցիացիայի ներկայացուցիչները 2020 թվականի հունիսի 25-ին առցանց սեմինար իրականացրեց Հայաստանի ազգային պոլիտեխնիկական համալսարանի ուսանողների հետ:
Իրազեկման սեմինարին ողջույնի խոսքով հանդես եկան Իրավաբանների հայկական ասոցիացիայի նախագահ Կարեն Զադոյանը և Հայաստանի ազգային պոլիտեխնիկական համալսարանի պրոռեկտոր Գոռ Վարդանյանը:
Սեմինարի ընթացքում Իրավաբանների հայկական ասոցիացիայի ներկայացուցիչ Մարիամ Զաքարյանը ներկայացրեց «Երիտասարդությունը հանուն հակակոռուպցիայի» ծրագիրը, պատասխանեց մասնակիցների հարցերին:
Մասնակիցները կարևորեցին կոռուպցիայի դեմ պայքարում իրավաբանների և ինժեներների ապագա համագործակցությունը, ինչպես նաև ցանկացած մասնագետի համար հակակոռուպցիոն գիտելիքներով ու կարողություններով զինված լինելու անհրաժեշտությունը։
Իրազեկման սեմինարին մասնակցեցին ավելի քան 40 ուսանողներ: «Երիտասարդությունը հանուն հակակոռուպցիայի» ծրագիրը իրականացվում է Շվեդիայի կառավարության աջակցությամբ:
