«Իմ քայլը» խմբակցության մի շարք անդամներ լուսանկար են հրապարակում, ըստ որի Բարգավաճ Հայաստան կուսակցության առաջնորդ Գագիկ Ծառուկյանի հանձնարարությամբ Գեղարքունիքի մարզում ընտրությունների ժամանակ գումար է բաժանվել։
Այս մասին Ազգային ժողովի ԲՀԿ խմբակցության պատգամավոր Գևորգ Պետորոսյանը նշում է․
«Փաստաթուղթ է, թե ինչ է, դա վաղը-մյուս օրը իրավապահ մարմինը իրավական գնահատականը կտա։ Հիմա ինչ-որ մեկը մի փաստաթուղթ կարող է վերցնի, նկարի, գցի, դա չի նշանակում․․․ եկեք հարգենք անմեղության կանխավարկածը և այդպես սին հայտարարություններով մարդկանց ապատեղեկատվություն չտանք»։
Նա նորից նշեց, որ Ազգային անվտանգության ծառայության խուզարկությունը՝ Գագիկ Ծառուկյանի տանը՝ քաղաքական ենթատեքստ ունի։
«Իսկ ավելի ստույգ, իրականությունը հետևյալն է։ Այս ամեն ինչը կապված է Գագիկ Ծառուկյանի քաղաքական գործունեության հետ։ Այլևս Հայաստանը բռնապետություն է»,-հավելեց Գևորգ Պետրոսյանը։
