Կրթության, գիտության, մշակույթի և սպորտի նախարար Արայիկ Հարությունյանը ծնողներին զգուշացնում է՝ երեխաներին դպրոց ընդունելու համար սխալ տվյալներ չմուտքագրել։
«Առաջին դասարանցիների հայտագրման համակարգն այսօր արձանագրել է, որ փորձելով գրանցել երեխային իրենց ցանկալի դպրոցում` ծնողներն օգտագործել են կեղծ փաստաթուղթ: Մի՛ արեք այսպիսի կեղծիքներ, թվայնացված համակարգը հայտնաբերում է խարդախությունները:
Հիշեցնեմ, որ հունիսի 11-ից հայտագրման համակարգը բացվում է բոլորի համար: Ուշադիր եղե՛ք և բաց չթողե՛ք պահը»,-նշել է նախարարը։
