ԱԺ «Իմ քայլը» խմբակցության պատգամավոր Սիսակ Գաբրիելյանը ֆեյսբուքյան իր էջում գրառում է կատարել, որում ասվում է․

«Հերթական անտեղի փոթորիկը

Առնվազն անհասկանալի է, որ պետական կառավարման փորձ ունեցող մարդիկ էլ են մութ կամ գաղտնի բան տեսնում Նորքի հիվանդանոցի տնօրենի այն խոսքերի մեջ, թե իրենք փետրվարից աշխատում են և դա նշանակում է, որ կորոնովիրուս ԱՐՁԱՆԱԳՐՎԵԼ Է ՓԵՏՐՎԱՐԻՆ։

Այո, կորոնավիրուսի դեմ պայքարը սկսվել է ՓԵՏՐՎԱՐԻն և դա ԵՐԲԵՔ ԳԱՂՏՆԻ ՉԻ ԵՂԵԼ..

1.  ՓԵՏՐՎԱՐԻՆ փակվեց հայ-իրանական սահմանը։

2.  ՓԵՏՐՎԱՐԻՆ են արվել կորոնավիրուսի առաջին թեստերը։

3. ՓԵՏՐՎԱՐԻՆ են մեկուսացվել և բժշկական օգնություն ստացել Իրանից վերադարձած մեր հարյուրավոր քաղաքացիներ։

4. ՓԵՏՐՎԱՐԻՆ են միջպետական սահմանային անցակետերում հերթապահել նաև համապատասխան սարքավորումներով զինված բուժաշխատողները։

5. ՓԵՏՐՎԱՐԻՆ է հիվանդանոցներից շատերին, բայց մասնավորապես Նորքի ինֆեկցիոն հիվանդանոցին տրվել կորոնավիրուսի դեմ պայքարի ցուցումներ։

6. ՓԵՏՐՎԱՐԻՆ է տրամադրվել լրացուցիչ գումար՝ բժշկական դիմակների, սարքավորումների, նոր մահճակալների և այլնի համար։

Իրականում այս շարքը կարելի է երկար շարունակել, բայց դրա փոխարեն ևս մեկ անգամ շնորհակալություն հայտնեմ այս պայքարում գեթ մեկ վայրկյան չհանձնվող մեր սիրելի բուժաշխատողներին»։