ԱՀ Նախագահ Արայիկ Հարությունյանը հունիսի 4-ին  հրամանագիր է ստորագրել, որով  Սիրան Ավետիսյանը նանակվել է  Արցախի Հանրապետության արդարադատության նախարար։

Այս մասին տեղեկանում են  Արցախի նախագահի մամուլի գրասենյակից:

Սիրան Ավետիսյանի կենսագրությունը․

Ծննդյան տարեթիվ, ամսաթիվ, ծննդավայր

18 ապրիլի 1984թ. թվական, ք.Ստեփանակերտ

Կրթություն

Արցախի պետական համալսարան 2001-2006թթ. իրավաբանական ֆակուլտետ, դիպլոմ գերազանցության

Աշխատանքային գործունեություն

2006 թվականին աշխատել է ԱՀ թիվ 11 միջնակարգ դպրոցում` որպես «Իրավունքի» ուսուցչուհի: Նույն թվականին համատեղությամբ դասախոսել է «Մեսրոպ Մաշտոց» համալսարանում:

2008 թվականի հուլիսի 1-ից աշխատել է ԱՀ Գերագույն դատարանում՝ որպես դատավորի օգնական:

2010 թվականի հունվարի 28-ից նշանակվել է ԱՀ դատական դեպարտամենտի անձնակազմի կառավարման և կազմակերպման բաժնի պետի պաշտոնում:

2017 թվականի հոկտեմբերի 4-ին ԱՀ կառավարության որոշմամբ նշանակվել է ԱՀ արդարադատության նախարարի տեղակալ:

Ունի դատական ծառայության 1-ին դասի խորհրդականի դասային աստիճան:

Անձնական տվյալներ

Ամուսնացած չէ