Բազմաբնակարան շենքերը «զարդարող», իրենց դարն ապրած աղբամուղները բնակիչներից շատերի համար դարձել են գլխացավանք։ Բազմաթիվ շենքերում դրանք «ապահովում» են ոչ թե մաքրություն, այլ գարշահոտություն և առնետների ու միջատների անարգել ելումուտ։ Դրա մասին են վկայում մեր բնակիչների բազմաթիվ ահազանգերը և աղբամուղները փակելու խնդրանքները։
Այս մասին տեղեկացնում ենք Արաբկիր վարչական շրջանի ֆեյսբուքյան էջից։
Նշենք, որ բազմաբնակարան շենքերի ընդհանուր օգտագործման տարածքները տնօրինելու իրավունքը պատկանում է շենքերի սեփականատերերին, և եթե մուտքի բնակիչների 2/3-ը աղբամուղի փակումը համարում է անհրաժեշտ, ապա կարող է նախաձեռնել գործընթացը, իհարկե, տեղեկացնելով վարչական շրջանի ղեկավարի աշխատակազմին, որպեսզի շենքերի հարակից տարածքներում տեղադրվեն աղբամաններ։
![На изображении может находиться: растение](https://scontent.fevn6-1.fna.fbcdn.net/v/t1.0-9/s960x960/95891387_3172218852828988_4777767511795957760_o.jpg?_nc_cat=100&_nc_sid=110474&_nc_ohc=mdLmBM1LVUYAX88DFIB&_nc_ht=scontent.fevn6-1.fna&_nc_tp=7&oh=a9140e1e60f8447e754bacd809b3fc39&oe=5ED39BCC)
![Нет описания фото.](https://scontent.fevn6-2.fna.fbcdn.net/v/t1.0-9/s960x960/95644734_3172218962828977_5107992046648426496_o.jpg?_nc_cat=106&_nc_sid=110474&_nc_ohc=AabgXEal6D0AX_EhEpy&_nc_ht=scontent.fevn6-2.fna&_nc_tp=7&oh=e906293509ec969e6900efd1bfd628c3&oe=5ED347B5)