Փետրվարի 27-ին, ժամը 10.30-ին, ոստիկանության Կենտրոնական բաժին հաղորդում էր ստացվել, որ փետրվարի 26-ի ժամը 20.00-ից փետրվարի 27-ի ժամը 08.00-ն ընկած ժամանակահատվածում փորձել են գողանալ Արամի փողոցի շենքերից մեկի բակում կայանված «Մերսեդեսի» կողային հայելին, սակայն հանցագործությունն ավարտին չեն հասցրել:
Այս մասին տեղեկանում ենք ոստիկանությունից։
Ձեռնարկված օպերատիվ-հետախուզական միջոցառումների շնորհիվ մարտի 5-ին պարզվել է գողության փորձ կատարողի ինքնությունը: 17-ամյա պատանին բացատրական աշխատանքի շնորհիվ ներկայացել է Կենտրոնական բաժին և տվել խոստովանական բացատրություն, որ հունվար և փետրվար ամիսներին Կենտրոն վարչական տարածքում տարբեր ավտոմեքենաներից գողացել է հայելիներ:
Ձեռնարկվում են միջոցառումներ տուժողներից հաղորդում ընդունելու ուղղությամբ:
Նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
