Արցախի մարդու իրավունքների պաշտպան Արտակ Բեգլարյանը հայտարարություն է տարածել որում ասվում է.
«Նախարարը տեղեկացրեց, որ առ այսօր շուրջ 30 անձից կորոնավիրուսի թեստ է վերցվել, և բոլորի մոտ արդյունքը բացասական է եղել:
Ինչ վերաբերում է շաբաթներ առաջ Իրանից Արցախ եկած ամուսինների մասին ապատեղեկատվության տարածմանը, նախարարը նշեց, որ նրանք ևս անցել են համապատասխան թեստավորում և գտնվում են մշտական հսկողության ներքո:
Այս իրավիճակում խիստ կարևորում եմ և՛ կանխարգելիչ, և՛ իրազեկման պատշաճ աշխատանքների իրականացումը պետության կողմից: Մարդիկ պետք է տեղյակ լինեն հիմնական ռիսկերից ու կանխարգելման մեխանիզմներից, ինչպես նաև կանոնավոր կերպով տեղեկացվեն իրավիճակի մասին, որպեսզի անհիմն բացասական տրամադրություններ ու խուճապ չառաջանա հասարակության մեջ»:
Նշենք, որ մեդիափորձագետ Սամվել Մարտիրոսյանը տեղեկացրել է, որ Բակո Սահակյանի անվամբ ֆեյսբուքյան էջը գործարկվում է ադրբեջանցիների կողմից և մի քանի տարի առաջ այն եղել է Սեյրան Օհանյանի անունով:
