Լենինգրադի շրջանի Գատչինա քաղաքի 36-ամյա բնակչուհին խեղդամահ է արել նախկին ամուսնուն, որը փորձել է բռնաբարել իրենց դստերը:
Այս մասին հայտնում է KP.ru-ը:
2020-ի հունվարի 13-ի ուշ երեկոյան նախկին ամուսինը գնացել է նրանց տուն և սկսել անհանգստացնել կնոջը, որից հետո ոտնձգություններ կատարելու նպատակով մոտեցել է իրենց 16-ամյա աղջկան և փորձել է բռնաբարել: Այդ ընթացքում կինը պահարանից վերցնելով գոտին խեղդամահ է արել նախկին ամուսնուն:
Երբ կինը հաակացել է, որ նա չի շնչում շտապ օգնություն է կանչել: Իրավապահները անմիջապես ժամանել են դեպքի վայր: Նրանք զննել են դիակը և բնակարանը, առգրավել են մատնահետքեր, գոտի, ինչպես նաև աղջկա հագուստը: Այս պահին որոշվում է քրեական գործ հարուցելու հարցը: Դստերը պաշտպանող մոր համար խափանման միջոց չի ընտրվել:
