16-ամյա աղջկա սպանության համար կասկածվող 27-ամյա երիտասարդը հրաժարվել է փաստաբանից։ Այս մասին Իրավաբան․net-ին հայտնում են քննչական կոմիտեից։
Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի (Սպանություն) հատկանիշներով:
Նշենք, որ ձերբակալումից 72 ժամվա ընթացքում նրան պետք է մեղադրանք առաջադրվի և ընտրվի խափանման միջոցը։
Հիշեցնենք, որ հունվարի 5-ին ժամը 23:10-ին, ոստիկանության Կենտրոնական բաժնում հաղորդում ստացվեց, որ Երևանի Սայաթ-Նովայի պողոտայի թիվ 15 շենքի բնակարաններից մեկում երիտասարդ աղջկա դի կա։ Ահազանգով մեկնած օպերատիվ-քննչական խմբերը պարզեցին, որ բնակարանում վարձակալական հիմունքներով բնակվող 16-ամյա աղջկա պարանոցի շրջանում բռնության հետքեր կան։
