Դիլիջանում կրակոցներ են հնչել, ինչի հետևանքով մեկ երիտասարդ մահացել է։ Իրավաբան․net-ին ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը հայտնեց, որ դեպքի վերաբերյալ ոստիկանությունն ահազանգ ստացել է ժամը 21։00-ին։
«Այսօր «Դիլիջան» բժշկական կենտրոնից ոստիկանության Դիլիջանի բաժին ահազանգ է ստացվել, որ հրազենային վնասվածքներով իրենց մոտ է տեղափոխվել 32 ամյա տղամարդը, որը, բժշկական կենտրոնում գիտակցության չգալով, մահացել է»,-ասաց նա։
Դեպքի հանգամանքները պարզվում են, կատարվում է քննություն։
