Երևանի Տիգրան Մեծի 51 շ. 66 հասցեում գտնվող «ԿԱՏՐԵՆ» ՍՊԸ-ում, որն զբաղվում է օծանելիքակոսմետիկական արտադրանքի, կենցաղային և սանիտարահիգիենիկ նշանակության թղթե և քիմիական թելերից ապրանքների, երեխաների և դեռահասների համար նախատեսված արտադրանքների ներմուծմամբ և իրացմամբ, ՇՈՒԿԱՅԻ ՎԵՐԱՀՍԿՈՂՈՒԹՅԱՆ ՏԵՍՉԱԿԱՆ ՄԱՐՄՆԻ կողմից իրականացվել են ստուգումներ: Այս մասին հայտնում են Շուկայի վերահսկողության տեսչական մարմնից։
Ստուգումների ընթացքում պարզվել է, որ որոշ ապրանքատեսակներ իրացվում են համապատասխան տեխկանոնակարգերի պահանջների խախտմամբ, մասնավորապես՝ իրացումն իրականացվում է առանց համապատասխանության հավաստման փաստաթղթերի առկայության:
Տնտեսվարողը, հայտնաբերված խախտման համար, ենթարկվել է վարչական պատասխանատվության: Ստուգման արդյունքում՝ հայտնաբերված խախտումը վերացվել է:
