Ավարտվել է «Ակտիվ քաղաքացի» նախագծի՝ 2019 թ.-ին քաղաքացիների կողմից առաջարկների ընդունումը, հրապարակումը և դրանց օգտին քվեարկության արդյունքների ամփոփումը:

Այս մասին տեղեկացնում են Երևանի քաղաքապետարանից:

Մասնակիցների կողմից ընդհանուր ստացվել է 740 առաջարկ, որոնցից «Ակտիվ քաղաքացի» կայքի կանոններին համապատասխանել և հրապարակվել է 204 առաջարկը: Առաջարկները և դրանց ամբողջական պարունակությունները հասանելի են «Ատիվ քաղաքացի» պաշտոնական հարթակի (https://activecitizen.yerevan.am) «Առաջարկներ» բաժնում:
Հարթակում մեկնարկից մինչ քվեարկության ավարտը գրանցվել է 8933 քաղաքացի, թողնվել է 858 մեկնաբանություն, նաև 15582 հավանում՝ 6500 քվեարկողներից:

Հիմք ընդունելով «Ակտիվ քաղաքացի» նածագծի 500 000 000 (հինգ հարյուր միլիոն) ՀՀ դրամ ընդհանուր բյուջեն, նախագծի կանոնները, համաձայն որոնց յուրաքանչյուր առաջարկի իրականացման բյուջեն չպետք է գերազանցի 30 000 000 (երեսուն միլիոն) ՀՀ դրամը, և քաղաքացիների հավանությունները, հանձնաժողովի կողմից իրականացման համար ընդգրկվել են ամենաշատ հավանումներ ստացված 17 առաջարկները` ընդհանուր բյուջեի միջոցների բաշխմանը հիմունքներով:
Իրականացվելիք առաջարկների ցանկը ներկայացված է ստորև․

N1 // «Հ․ Օշականի անվ․ N 172 դպրոցի բակային տարածքը դարձնել ապահով և փոխել պատուհանները»` http://bit.ly/activecitizen2019_n1

 N2 // «Վերականգնենք «Կարմիր բլուր»-ը»` http://bit.ly/activecirizen2019_n2

 N3 // «Մարզական կենտրոն Հաղթանակ թաղամասում» | http://bit.ly/activecitizen2019_n3

N4 // «Լեդ լուսավորություն Հաղթանակ թաղամասում»` http://bit.ly/activecitizen2019_4

 N5 // «#Իմքայլը հանուն Խարբերդի»` http://bit.ly/activecitizne2019_n5

N6 // «Տաղավարի հարակից տարածքի բարեկարգում և մարզասարքերի տեղադրում»` http://bit.ly/activecitizen2019_n6

N7 // «Խաղահրապարակի ստեղծում»` http://bit.ly/activecitizen2019_n7

 N8 // «Սկեյթ Այգի (Skate Park)»` http://bit.ly/activecitizen2019_n8

N9 // «Բարեկարգ Քանաքեռ-Զեյթուն համայնք. Այգի»` http://bit.ly/activecitizen2019_n9

N10 // «Սարյան պուրակի բարեկարգում»` http://bit.ly/activecitizen2019_n10

 N11 // «Բարեկարգ Քանաքեռ-Զեյթուն համայնք. Խաղադաշտ»` http://bit.ly/activecitizen2019_n11

 N12 // «Մանեքեններ անցուղիներին»` http://bit.ly/activecitizen2019_n12

 N13 // «Հերոսների ծառուղի»` http://bit.ly/activecitizen2019_n13

 N14 // «Վիրտուալ իրականության տաղավար Երևան քաղաքի թանգարանում»՝ http://bit.ly/activecitizen2019_n14

 N15 // «Արևային տաղավար»՝ http://bit.ly/activecitizen2019_n15

N16 // «Ամենագեղեցիկ դիտահորերը և փողոցի հետիոտնային անցումները Երևանում»՝ http://bit.ly/activecitizen2019_n16

N17 // «Երգող նստարաններ»՝ http://bit.ly/activecitizen2019_n17

Եթե տվյալ առաջարկների նախահաշվարկային փաստաթղթերի կազմման ընթացքում և/կամ առաջարկների իրականացումից հետո ի հայտ գա որոշակի գումարի տնտեսում, որ իր հերթին կբավարարի հաջորդ ամենաշատ հավանումներ ստացած առաջարկի իրականացմանը, տվյալ գումարը կուղղորդի հաջորդ առաջարկ(-ներ)ին՝ հաջորդականորեն:

Ամենաշատ հավանություն ստացած առաջին 17 առաջարկների իրականացման համար նախատեսում է, տվյալ պահից սկսած կազմել նախագծանախահաշվարկային առաջադրանքներ՝ հետագայում բաց մրցույթ հայտարարելու նպատակով:
Առաջարկների իրականացումը նախատեսվում է կատարել 2020 թ.-ի ընթացքում: