Կադաստրի կոմիտեի հայտարարությունը՝ «Կենտրոն» սպասարկման գրասենյակի քաղաքացիական աշխատանք կատարող առաջատար մասնագետի թափուր աշխատատեղը զբաղեցնելու մասին ։

Իրականացնում է դիմումներ ընդունած էլեկտրոնային համակարգ մուտքագրված դիմումի թղթային տարբերակում նշված փաստաթղթերի քանակական ստուգումը.

Իրականացնում է էլեկտրոնային համակարգ մուտքագրված` քաղաքացիների և իրավաբանական անձանց կողմից ներկայացվող դիմումների, ներառյալ ստորագրությունների իսկության ճանաչման կնքված պայմանագրերի պետական գրանցման դիմումների և կից փաստաթղթերի տեսաներածումը.

Իրականացնում է էլեկտրոնային պատճենների կցագրում դիմումի մուտքագրման ընթացքում դրանց վերաբերյալ լրացված տեքստային տվյալների ներկայացված փաստաթղթերին.

Գրասենյակի պետի հանձնարարությամբ ըստ անհրաժեշտության ներկայացնում է համապատասխան հաշվետվություններ:

Նշված թափուր աշխատատեղը զբաղեցնելու համար պահանջվում է՝

• առնվազն միջնակարգ կրթություն,
• «Գույքի նկատմամբ իրավունքների պետական գրանցման մասին», «Վարչարարության հիմունքների և վարչական վարույթի մասին», «Նորմատիվ իրավական ակտերի մասին» ՀՀ օրենքների, ՀՀ վարչապետի 2018թ. Հունիսի 11-ի «Հայաստանի Հանրապետության անշարժ գույքի կադաստրի կոմիտեի կանոնադրությունը սահմանելու մասին» N 749-Լ որոշման և իր լիազորությունների հետ կապված իրավական այլ ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն.
• համակարգչով և ժամանակակից այլ տեխնիկական միջոցներով աշխատելու ունակություն.

Աշխատավարձը՝ 168.658 (մեկ հարյուր վաթսունութ հազար վեց հարյուր հիսունութ) դրամ:

Նշված թափուր պաշտոնը կարող է զբաղեցվել՝ 18 տարին լրացած Հայաստանի Հանրապետության քաղաքացիները:

Դիմող ՀՀ քաղաքացիները պետք է ներկայացնեն հետևյալ փաստաթղթերը`

•  գրավոր դիմում (ձևը լրացվում է փաստաթղթերը ներկայացնելիս),
•  անձնագրի պատճենը,
•  կրթությունը հավաստող պետական նմուշի փաստաթղթի (փաստաթղթերի) պատճենը (պատճենները),
•  աշխատանքային գրքույկի պատճենը (առկայության դեպքում).
•  արական սեռի անձինք նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը՝ բնօրինակի հետ միասին, կամ համապատասխան տեղեկանք,
•  մեկ լուսանկար 3×4 սմ չափսի:

Ընտրություն կատարելու եղանակը՝

Դիմում ներկայացրած քաղաքացիների փաստաթղթերի ուսումնասիրություն, փաստաթղթերի ուսումնասիրության արդյունքում ընտրված քաղաքացու (ների) հետ հարցազրույց:

փաստաթղթերն ընդունվում են Կադաստրի կոմիտեի անձնակազմի կառավարման բաժնում կամ  էլեկտրոնային փոստի միջոցով [email protected] հասցեով ժամը 9:30-ից 12:30-ը ամեն օր, բացի շաբաթ և կիրակի օրերից

Հասցե՝ ք. Երևան, Արշակունյաց 7,

հեռ.՝ 060 474 247, 060 474 147

Դիմումների ընդունման վերջին ժամկետն է`   18.11.2019թ.: