ԱԺ «Լուսավոր Հայաստան» խմբակցության պատգամավոր Անի Սամսոնյանը այսօր անդրադարձավ ավելի վաղ Էդմոն Մարուքյանի արված կոչին, որը «դրական» չէին ընկալել «Իմ քայլը» խմբակցության ներկայացուցիչները:
Էդմոն Մարուքյանը առաջարկել էր ակտիվացնել Գյումրիի օդանավակայանի տրանզիտային չվերթները՝ հաշվի առնելով Վրաստանում տեղի ունեցող իրադարձությունները:
«Չգիտեմ ինչո՞ւ եք նեղվել «թայլուն կառավարություն» արտահայտությունունից, դա ձեր արտահայտությունից: Միգուցե ձեր կառավարությունը այդքան էլ փայլուն չէ, երկրորդը՝ չեմ հասկանում ինչո՞ւ եք նեղվել «սիրուն աղջիկ» արտահայտությունից: Դա ընդամենը կոմպլիմենտ էր և եկեք օբյեկտիվ լինենք, «այդ սիրուն աղջիկը» մինչև այժմ որևէ գործ, որևէ արդյունք չի տվել»,-նշեց Անի Սամսոնյանը:
ԱԺ-ում ելույթի ժամանակ «Իմ քայլը» խմբակցության պատգամավոր Սուրեն Գրիգորյանը նշեց, որ հարցը ոչ թե «քննադատությանը չդիմանալն է», այլ դա «կոռեկտ» անելը:
«Եթե Ձեր նկատմամբ այդ եզրույթը չի կարելի օգտագործել, ինչի՞ է կարելի քաղավիացիայի ղեկավարի նկատմամբ այդ եզրույթը օգտագործել» ,-նշեց Սուրեն Գրիգորյանը՝ անդրադառնալով Անի Սամսոնյանի ելույթին:
Մանրամասները՝ տեսանյութում
