Վարչապետ Նիկոլ Փաշինյանը մարտի 14-ին որոշում է ստորագրել, որում ասվում է.
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Դավիթ Փախչանյանին ազատել պաշտպանության նախարարի տեղակալի պաշտոնից»:
Իրավաբան.net-ը ձեզ է ներկայացնում նրա կենսագրությունը:
ԳՈՐԾՈՒՆԵՈՒԹՅՈՒՆ
«Ավիտ» ընկերության մենեջեր, այնուհետև՝ փոխտնօրեն:
PA&PA ընկերության փոխտնօրեն:
«Աերոսիբ» ավիափոխադրումների ընկերության տնօրեն, համահիմնադիր:
«Այբիկ» մանկական մշակութային-կրթական կենտրոնի տնօրեն, համահիմնադիր:
ՀՀ պաշտպանության նախարարի տեղակալ – ՊՆ ռազմարդյունաբերության պետական կոմիտեի նախագահ:
ԿՐԹՈՒԹՅՈՒՆ
Մոսկվայի ֆիզիկատեխնիկական ինստիտուտ, ընդհանուր և կիրառական ֆիզիկայի ֆակուլտետ, մասնագիտությունը՝ ընդհանուր և կիրառական ֆիզիկա, որակավորումը՝ ինժեներ-ֆիզիկոս, գերազանցության դիպլոմ:
Մոսկվայի ֆիզիկատեխնիկական ինստիտուտին կից, պահեստազորի լեյտենանտ:
Էկոնոմիկայի բարձրագույն դպրոց (Մոսկվա), բաժինը՝ մենեջմենտ, մասնագիտացումը՝ ընդհանուր և ռազմավարական կառավարում, մագիստրոսի աստիճան:
ԱՅԼ ԳՈՐԾՈՒՆԵՈՒԹՅՈՒՆ
Հասարակական գործունեություն.
Մի շարք բիզնես նախագծերի մասնակից և հիմնադիր է։
2006 թ. «Այբ» ակումբի և «Այբ» կրթական հիմնադրամի համահիմնադիր
2006 թ․ «Բենհուր Փախչանյան» բարեգործական հիմնադրամի համահիմնադիր
2014 թ․ «Արար» քաղաքակրթական հետազոտությունների հիմնադրամի համահիմնադիր, հոգաբարձուների խորհրդի անդամ
2014 թ.-ից առայսօր «Դիլիջան կենտրոնական դպրոց» հիմնադրամի հոգաբարձուների խորհրդի նախագահ
2015 թ.-ից առայսօր «Այբ» կրթական հիմնադրամի հոգաբարձուների խորհրդի նախագահ:
