Հունվարի 16-ին, ժամը 15։00ի սահմաններում հայ-ադրբեջանական սահմանին ականի պայթյունից վիրավորվել է Տավուշի մարզի Բարեկամավան համայնքի բնակիչ Արման Խալաթի Միքայելյանը, ում կյանքին վտանգ չի սպառնում:
Այս մասին տեղեկանում ենք Բարեկամավան համայնքի ֆեյսբուքյան էջից:
«Պայթյունի հետևանքով պոկվել է ոտնաթաթը։ Նրան հնարավոր է եղել դեպքի վայրից դուրս բերել միայն համապատասխան ստորաբաժանման միջոցով՝ 18։00-ի սահմաններում: Այժմ գտնվում է Նոյեմբերյանի հոսպիտալում»,-նշվում է հայտարարության մեջ:
Ավելի ուշ տեղեկացանք, որ վիրահատությունը բարեհաջող ավարտվել է։ Տղամարդը վերակենդանացման բաժանմունք է տեղափոխվել:
