2018 թվականի Ազգային ժողովի արտահերթ ընտրություններին մասնակցող «Մենք» դաշինքի կողմից առաջադրված և պատգամավորի թեկնածուների ցուցակը գլխավորող Արամ Սարգսյանը Կենտրոնական ընտրական հանձնաժողովին է ներկայացրել իր գույքի և եկամուտների հայտարարագիրը:
Իրավաբան.net–ը հաջորդաբար ներկայացնում է 11 քաղաքական ուժերի թեկնածուների հայտարարագրերը:
Հայտարարագրում որպես հաշվետու ժամանակաշրջան է նշված 2017 թվականի նոյեմբերի 1-ից մինչև 2018 թվականի հոկտեմբերի 31-ը:
Արամ Սարգսյանը հայտարարագրել է.
- բնակելի տուն՝ 378 քմ և տնամերձ տարածք՝ 0,099 հա՝ Արարատում:
- Mersedec Benz G 350 մակնիշի ավտոմեքենա (1994 թ),
- Hyundai Tuscan 2.0 մակնիշի ավտոմեքենա (2017 թ):
Նա 8 միլիոն դրամը գերազանցող թանկարժեք գույք ունի.
- CARTIER ժամացույց – 25-35.000 եվրո արժողությամբ,
- Գրիչների հավաքածու – 100-150.000 դոլար,
- 16-րդ դարի ասեղնագործ սրբապատկեր – անգին:
Հաշվետու ժամանակահատվածում նրա եկամուտները կազմել են՝ 113 միլիոն 520 հազար դրամ, որը ստացվել է 2 աղբյուրից՝ Ազգային ժողովի աշխատավարձից և շահաբաժնից:
Հայտարարագիրը ներկայացնելու օրվա դրությամբ Արամ Սարգսյանի դրամական միջոցները կազմում են 30 միլիոն դրամ, 30 հազար դոլար և 10 հազար եվրո:
Նա նաև արժեթղթերի է սեփականատեր է.
- «Գալիք» ՍՊԸ – 50 %,
- Հատուկ ցեմենտ – 45 % և 25 %:
Արամ Սարգսյանը Ազգային ժողովի պատգամավոր է:
Ալիսա Չիլինգարյան
