Ազգային առաջընթաց կուսակցությունը, իր ծրագրին համապատասխան, միանում է «Սասնա Ծռեր» և «ՔՈ» կուսակցությունների հրապարակային առաջարկությանը՝ ԱԺ-ում հայտնվելու պարագայում հասարակության հնարավորինս լայն շրջանակների ներգրավմամբ նոր Սահմանադրության մշակման և համաժողովրդական հանրաքվեի միջոցով այն ընդունելու գործընթաց նախաձեռնելու մասին։
Այս մասին կուսակցությունը հայտարարություն է տարածել:
Հիշեցնենք, որ «Քաղաքացու որոշում» սոցիալ-դեմոկրատական կուսակցությունը, հիմք ընդունելով ընտրություններին մասնակցելու իր վերապահումը, ըստ որի գործող Սահմանադրությունն ընդունվել է լայնածավալ ընտրախախտումների պայմաններում և հանրության լայն համաձայնության արտահայտություն չէ, հաշվի առնելով մեր և մյուս կուսակցությունների պարտավորությունը Հայաստանի ժողովրդի նկատմամբ, առաջարկում է ստորագրել փոխադարձ համաձայնագիր առ այն, որ ընտրվելու պարագայում նախաձեռնելու և սատարելու ենք նոր սահմանադրության ընդունման գործընթաց։
Համաձայնագրի տեքստին ծանոթացեք՝ այստեղ:
