Նոյեմբերի 17-ին, ժամը 14-ն անց 45-ին ոստիկանության Երևան քաղաքի վարչության օպերատիվ կառավարման կենտրոն մի քաղաքացուհուց հաղորդում է ստացվել, որ Արտաշատ քաղաքի Կամոյի փողոց թիվ 10 հասցեում դանակ են հանել:
Նույն օրը, ժամը 15-ն անց 50-ին, «Արտաշատ» բժշկական կենտրոնից հաղորդում է ստացվել, որ «կրծքավանդակի ձախ կեսի, ձախ ազդրի, աջ բազկի և պարանոցի կտրած վերքեր, հիպովոլեմիկ շոկ 2-րդ աստիճանի» ախտորոշմամբ իրենց մոտ է ընդունվել մի կին, որը տեղափոխվել է «Էրեբունի» բժշկական կենտրոն:
Այս մասին հյատնում են ոստիկանությունից:
Մեկնած ոստիկանության օպերատիվ խումբը պարզել է, որ նույն օրը ժ.14.30-ի սահմաններում, Կամոյի փողոցի սկզբնամասում, վիճաբանության ժամանակ, Գևորգ Ա.-ն իր մոտ եղած դանակով հարվածել է կնոջ մարմնին և պատճառել նշված վնասվածքները:
Ձեռնարկված օպերատիվ-հետախուզական միջոցառումների և բացատրական աշխատանքների շնորհիվ նոյեմբերի 18-ին, ժամը 22-ն անց 40-ին ինքնակամ ոստիկանության Արտաշատի բաժին է ներկայացել Գևորգ Ա.-ն, որը նույն օրը տեղափոխվել է Արարատի մարզային քննչական վարչություն:
Ձեռնարկվում են միջոցառումներ հանցագործության գործիք հանդիսացող դանակը հայտնաբերելու ուղղությամբ:
Հարուցվել է քրեական գործ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
