Հայկական երկրորդ հեռուստաալիքով թողարկվող «Օդից փող» հեռուստահաղորդումն այլևս եթերում չէ։ Այս մասին կրթության և գիտության նախարար Արայիկ Հարությունյանը ֆեյսբուքյան իր էջում գրում է․
«Երկու օր առաջ բողոքների հերթական տարափն էր այս հաղորդման վերաբերյալ: Մարդիկ պնդում էին, որ այս հաղորդման պատճառով հեռուստադիտողները մեծ պարտքեր են կուտակում, հաղորդման ձևաչափի պատճառով ստիպված են երկար ժամանակ սպասել միացման՝ այստեղից բխող բոլոր բացասական հետևանքներով:
Նախօրեին զրուցեցի Հ2 հեռուստաալիքի սեփականատեր Սամվել Մայրապետյանի հետ: Մայրապետյանը հայտնեց, որ թեև հաղորդումը հեռարձակելիս օրենք չի խախտվում, բայց քանի որ կան շատ բողոքներ, որոշում է կայացնում հանել հաղորդումը եթերից: Գովելի քայլ՝ սեփականատիրոջ կողմից»։
![ФоÑо Arayik Harutyunyan.](https://scontent.fevn3-2.fna.fbcdn.net/v/t1.0-9/37354499_10156537601863501_4117711946994679808_n.jpg?_nc_cat=0&oh=12070d6a17d304e705f8a22a9d87d83d&oe=5BCF4243)