Անընդմեջ խոսվում է զբաղվածության, գործազրկության և աշխատանքային իրավունքների մասին:

Իսկ ովքե՞ր են համարվում զբաղված անձինք և ո՞ր գործունեությունն է համարվում զբաղվածություն:

Այս հարցերի պատասխանը կարելի է գտնել «Բնակչության զբաղվածության և գործազրկության դեպքում սոցիալական պաշտպանության մասին» ՀՀ օրենքում:

Մասնավորապես` զբաղվածություն համարվող գործունեության տեսակներն են`

1) գործատուների մոտ վարձու աշխատանքային գործունեությունը (այդ թվում՝ Հայաստանի Հանրապետության օրենքներով նախատեսված ծառայությունների կադրերի ռեզերվում գտնվելը, բացառությամբ վարձատրություն չնախատեսող դեպքերի).

2) անհատ ձեռնարկատիրական և նոտարի գործունեությունը.

3) ժամկետային պարտադիր զինվորական ծառայությունը.

4) ուսումնական հաստատություններում, մասնագիտական ուսուցման դասընթացներում և ուսուցման այլ ձևերում առկա ուսուցումը:

Զբաղված են համարվում այն գործունակ անձինք, ովքեր զբաղված են վերը նշված գործունեության որևէ տեսակով կամ հանդիսանում են գյուղատնտեսական նշանակության հողի սեփականատեր:

Չզբաղված են համարվում այն գործունակ անձինք, ովքեր զբաղված չեն նշված գործունեության որևէ տեսակով կամ չեն հանդիսանում գյուղատնտեսական նշանակության հողի սեփականատեր:

Աղբյուրը` Իրավաբան.net