Շաբաթ օրվանից Մոսկվայի օդանավակայաններում անբարենպաստ եղանակային պայմանների պատճառով չեղարկվում ու հետաձգվում են թռիչքներ, երեկ «Զվարթնոց» օդանավակայնում չեղյալ էին համարվել 2 թռիչքներ:
Նշենք, որ շաբաթ օրվանից սկսած ու մինչ հիմա շարունակվող տեղումները Ռուսաստանում աննախադեպ, ռեկորդային քանակի են: Տեղումները կաթվածահար են արել երթեւեկությունը, Մոսկվայի տարբեր հատվածներում ծառեր են տապալվել, ձյան ծածկույթի բարձրությունը մայրաքաղաքում կես մետր է կազմում:
«Զվարթնոց» օդանավակայանի պազշտոնական կայքից տեղեկանում ենք, որ կան Մոսկվայից Հայաստան եկող ու Հայաստանից մեկնող չվերթների չեղարկումներ:
Այսպես՝ ժամը 8:00-ին «Շերեմետյեվո» օդանավակայանից սպասվող չվերթը, որի ժամանումը Զվարթնոցում սպասվում էր 10:30, չեղյալ է համարվել: Չեղարկվել է նաեւ Երեւանից ժամը 11:20 սպասվող թռիչքը դեպի «Շերեմետյեվո» , որի վայրէջքը Մոսկվայում սպասվում էր 13:50:
«Շերեմետյեվո» օդանավակայանի պաշտոնական կայքից էլ տեղեկանում ենք, որ հետաձգվել են նաև չվերթներ Մալազիայի մայրաքաղաք Կուալա-Լումպուրից, Ադրբեջանից և Ֆրանսիայից: Հետաձգվել են նաև չվերթներ դեպի Մոսկվա Հունաստանից, Լեհաստանից և միջպետական այլ ավիաուղիներից:
