Սեպտեմբերի 3-ին, ժամը 15:26-ին ահազանգ է ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:
Դեպքի վայր է մեկնել երկու մարտական հաշվարկ և արտակարգ իրավիճակների արձագանքման խումբը:
Հրդեհաշիջման աշխատանքներին մասնակցում են 36 հրշեջ-փրկարար, անտառտնտեսության աշխատակիցներ և հարակից գյուղերից բնակիչներ:
Ժամը 19:12-ի դրությամբ հրդեհաշիջման աշխատանքներին հրշեջների նոր խումբ է միացել, այժմ հրդեհաշիջմանը մասնակցում են 44 հրշեջ-փրկարար, անտառտնտեսության աշխատակիցներ և հարակից գյուղերից բնակիչներ:
Կտրվի լրացուցիչ տեղեկություն:
