Քաղաքի տարբեր հատվածներում կայանված ավտոմեքենաները բացել ու հափշտակություններ են արել: Գործով մեղադրանք է առաջադրվել Նիկոլայ Մելիքյանին: Մեղադրական եզրակացության համաձայն, նախնական համաձայնության գալով Գրիգոր Հովսեփյանի հետ, Երևան քաղաքի տարբեր հասցեներում կայանած քաղաքացիներին պատկանող ավտոմեքենաների դռների փականները բացել է տեխնիկական տարբեր միջոցներով: Մեքենաներից հափշտակել են էլ. մարտկոցներ, գազի գլանանոթներ, ավտոմեքենայի ձայնագրիչ, շարժիչի յուղ:
Ընդհանուր առմամբ նրանք պատճառել են 1.770.000 ՀՀ դրամի գույքային վնաս: Նույն եղանակով փորձել են հափշտակել տարբեր ավտոմեքենաներից այլ իրեր ևս, սակայն իրենց կամքից նկախ հանգամանքներում հանցագործություններն ավարտին չեն հասցրել:
Գործն այս պահին ուղարկվել է դատարան, որը Ավան և Նոր Նորք վարչական շրջանների ընդհանուր իրավասության դատարանում կքննվի դատավոր Արմեն Վարդապետյանի նախագահությամբ:
Դեպքի շրջանակներում որպես իրեղեն ապացույց են առգարավվել թվով 2 բջջային հեռախոսներ: Իսկ մեղադրյալի նկատմամաբ որպես խափանման միջոց է նշանակվել՝ ստորագրություն չհեռանալու մասին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
