Ուկրաինայի մայրաքաղաք Կիևում սպանվել է Ռուսաստանի Դաշնության Պետդումայի նախկին պատգամավոր Դենիս Վորոնենկովը, այս մասին հաղորդում է ՌիաՆովոստին:
Քաղաքի կենտրոնում գտնվող «Պրեմյեր Պալաս» հինգաստղանի հյուրանոցի մոտ կրակ է բացվել մի քանի բիզնեսմենների վրա: Վորոնենկովի վրա արձակվել է երկու կրակոց: Կիևի ոստիկանության վարչության պետ Անդրեյ Կրիշչենկոն հայտարարել է, որ Ռուսաստանի Դաշնության պետդումայի նախկին պատգամավոր Դենիս Վորոնենկովի սպանության համար կասկածվող անձը ձերբակալվել է: Նա վիրավոր է, սակայն նրա կյանքին վտանգ չի սպասվում։
Ուկրաինա նախագահ Պյոտր Պորոշենկոն Վորոնենկովի սպանությունը տեռոռ է անվանել՝ ՌԴ-ի կողմից:
ՌԴ նախագահի մամուլի քարտուղար Դմիտրի Պեսկովը նշել է, որ դա աբսուրդ է, իսկ միջադեպը վկայում է այն մասին, որ ուկրաինական կողմը չի կարողացել ապահովել Վորոնենկովի անվտանգությունը:
